अर्जुन थापा
इलाका प्रहरी कार्यालय जीतपुर, बाराका प्रहरी निरीक्षक मोह नारायण रायको कमाण्डमा खटिएको टोलीले मंगलवार जीतपुर चोकमा एक ट्रकलाई रोकी चेकजाँच गर्दा ३० लाख ६७ हजार ७ सय ९६ रुपैयाँ बराबरको अवैध सामान बरामद गरेको छ।
ना ४ ख ३९८४ नम्बरको वीरगंजबाट काठमाण्डौ तर्फ जाँदै गरेको उक्त ट्रकलाई रोकेर चेकजाँच गर्दा उक्त सामान बरामद गरेको हो ।
ट्रकमा लोड गरिएको कपडा, चना, ब्याट्री, थर्मोकोल दाना लगायत अन्य खुद्रा सामानहरूको बिल बिजकमा उल्लेखित सामान भन्दा धेरैको स्रोत स्पष्ट नगरेपछि ट्रकलाई नियन्त्रणमा लिइ राजस्व अनुसन्धान कार्यालय पथलैया, बारामा बुझाइएको हो । प्रहरीले थप अनुसन्धान अघि बडाएको प्रहरी सुचना अधिकारी प्रकाश सापकोटाले जानकारी दिएका छ्न ।
