गुल्मेली एकता समाज सैनामैना १ बनकट्टाले दोश्रो साधारण सभा सम्पन्न गरेको छ ।
संस्थाका अध्यक्ष दिर्घनारायण पाण्डेको अध्यक्षतामा सम्पन्न साधारण सभामा बोल्दै प्रमुख अतिथि पुर्व लुम्बिनी प्रदेशका सामाजिक बिकाश मन्त्री सुदर्शन बरालले छोटो समयमा समाजले उदाहरणीय कार्य गरेको र समाजमा सकारात्मक सन्देश दिने गरि कार्य गरेकोमा शुभकामना र बधाई व्यक्त गर्नुभएको थियो ।
कार्यक्रममा विशिष्ट अतिथि लुम्बिनी प्रदेश प्रमुख विघुत प्राविधिकरण प्रमुख हरि प्रसाद पाण्डे,संरक्षक शिवलाल अर्याल सल्लाहकारराम बहादुर कुँवर, सुर्य विक्रम राना, होमा पौडेल,चेत नारायण गिरि लगायतले शुभकामना ब्यक्त गर्नु भएको थियो ।
हालसम्म यो बर्ष ३७ वटा श्रद्धाञ्जली सभा कार्यक्रममा सहभागी भएको समाजले हरेक सामाजिक क्रियाकलापमा समाज सहभागी भएको जानकारी महासचिव पुस्कर भुषालले दिनुभएको थियो ।
कार्यक्रममा आजीवन सदस्य,विशिष्ट सदस्य, साधारण सदस्य गरि ४२२ जना सदस्य विस्तार भएको जानकारी दिइएको र संस्थालाई सहयोग गर्ने सहयोग दातालाई सम्मान गरिएको थियो ।
कार्यक्रम संस्थाका प्रथम उपाध्यक्ष फटिक के.सि.को स्वागत मन्तव्य , महासचिब पुस्कर भुषालको सन्चालनमा सम्पन्न भएको थियो ।
