अर्घाखाँची जिल्लाको सन्धिखर्क नगरपालिका वडा नम्बर ६ नरपानी धाराबजारमा बसले पैदल यात्रीलाई ठक्कर दिंदा एक जना किशोरीको मृत्यु भएको छ ।
आज साँझ करिब ४:४५ बजेको समयमा सन्धिखर्क हाईवे सडक खण्डमा बुटवलबाट सुपादेउरालीमा पिकनिक खान आएको लु २ ख १४१५ नम्वरको बसले एक्कासी पैदल यात्रीलाई ठक्कर दिंदा शितगङ्गा नगरपालिका वडा नं ४ अमराई बस्ने अन्दाजी १२/१३ बर्षकी गम्भीर घाईते बिनिता बिकको जिल्ला अस्पताल सन्धिखर्कमा उपचारको क्रममा मृत्यु भएको अस्पतालले जनाएको छ ।
उक्त घटनामा सोहि वडाकी अन्दाजी १० बर्षिय एलिना बिक घाईते रहेकी छिन , निज घाईतेलाई उपचारको लागी जिल्ला अस्पताल पठाईएको बताइएको छ पैदल यात्रीलाई ठक्कर दिने बस ,चालक र साहुलाई नियन्त्रणमा लिएको जिल्ला प्रहरी कार्यालयले जनाएको छ ।