१ मंसिर, रुपन्देही–सैनामैना बहुउदेश्यीय सहकारी संस्था लिमिटेड सैनामैना १ लेआफ्नो दोस्रो वार्षिक साधारण सभा सम्पन्न गरेको छ ।
आजभन्दा २ बर्ष पहिले२०७९ सालमा सैनामैना नगरपालिका १ मा स्थापना गरिएको यो सहकारी संस्थामा हाल २५५ जना सेयर सदस्य रहेका छन भने संस्थाको जम्मा सम्पत्ती ( वासलात ) १ करोड १४ लाख बढी रहेको छ ।
मुख्य गरी यहाँका स्थानियहरु सङ्ग रहेको बिकेन्द्रित थोरै थोरै पुँजिलाई केन्द्रिकृत गर्दै सामुहिकताको बिकाश र पुँजिको सुरक्षा र बृद्धि बिकाशको निम्ती टेवा पुर्याउने उदेश्यले यो संस्था निर्माण गरिएको संस्थाका सचिव पुस्कर भुशालले बताए ।
कार्यक्रमका प्रमुख अथिती सैनामैना नगरपालिका सहकारी विभागका प्रमुख रामकुमार भट्टराइ लगायत बक्ताहरुले शुभकामना दिँदै यस संस्थाका सेयर सदस्यहरुले लगानी गरेको रकमको सुरक्षाको सुनिश्चितताको साथै आर्थिक रुपान्तरणमा यो संस्थाले टेवा पुर्याउने विश्वास व्यक्त गरेका थिए ।
कार्यक्रमको खुला सत्रमा सैनामैना नगपालिका सहकारी शाखा प्रमुख रामकुमार भट्टराइ, राष्ट्रिय सहकारी बैंक लिमिटेड लुम्बिनी प्रदेश प्रमुख नारायण वेल्वासे, रुपन्देही बचत तथा ऋण संघ लिमिटेडकी व्यवस्थापक शर्मिला भट्टराइ, सैनामैना खानेपानी तथा सरसफाइ उपभोक्ता संस्थाका अध्यक्ष एक बहादुर क्षेत्री, पर्होहा बचत तथा ऋण सहकारी संस्थाका अध्यक्ष राज बहादुर क्षेत्री लगायतले शुभकामना मन्तव्य राखेका थिए ।
संस्थाका अध्यक्ष तुल बहादुर तराम द्धारा बार्षिक प्रतिवेदन तथा प्रस्तावित निति तथा कार्ययोजना २०८१ प्रस्तुत, कोषाध्यक्ष रेखा पोख्रेल द्धारा आर्थिक प्रतिवेदन र भुवन चन्द्र मरासिनी द्वारा लेखा सुपरिवेक्षण प्रतिवेदन प्रस्तुत गरिएको थियो ।
संस्थाका अध्यक्ष तुल बहादुर तरामको अध्यक्षता,संस्थाका उपाध्यक्ष अनिल पोख्रेलको स्वागत मन्तब्य र संस्थाका सचिव पुस्कर भुशालको संचालनमा सम्पन्न गरिएको गरिएको कार्यक्रमको बिच बिचमा गोला प्रथा द्वारा चिठ्टा थुताइ भाग्यमानी सेयर सदस्यहरुलाइ पुरस्कार वितरण र नृत्य द्वारा सहभागीहरुलाइ मनोरञ्जन प्रदान गरिएको थियो । कार्यक्रममा बृद्ध सेयर सदस्य र असल ऋणीहरुलाई सम्मान समेत गरिएको थियो ।
