राम मन्दिर माध्यमिक विद्यालय चापाकोटका विधालय व्यवस्थापन समितिका अध्यक्ष राजकुमार मल्लले एक लाख रुपैयाँको अक्षयकोष स्थापना गर्ने बताएका छन ।
राम मन्दिर माध्यमिक विद्यालय चापाकोट स्याङ्जाले बुधबार आयोजना गरेको विजया दशमीको अवसरमा चियापान, शुभकामना आदानप्रदान एवं छलफल कार्यक्रममा उहाँले हामीले नगरे कसले गर्ने, अहिले नगरे कहिले गर्ने भन्दै उक्त रासिको अक्षय घोषणा गरेको बिधालयका प्रधानाध्यापक बिकाश पौडेलले बताए ।
कार्यक्रममा जिल्ला समन्वय समिति स्याङ्जाको सदस्य गीता खाँण, नगर प्रवक्ता अर्जुन कुमार खाँण, नेपाली काँग्रेसका नगर सभापति विक्रम बहादुर सारु, नेपाल शिक्षक संघ स्याङ्जाका अध्यक्ष पशुपति पौडेल, युवा नेता शेषकान्त पुरी, राष्ट्रिय लोक तथा दोहोरी गित प्रतिष्ठान नेपालका महासचिव शिव हमाल, बम बहादुर हमाल, विष्णु गिरी, विश्वास पुरी, वलराम गिरी, प्रेम बहादुर सार, विरेन्द्र सारु लगायतले शुभकामना मन्तव्य राखेका थिए ।
आगामी पुसमा हुन लागेको विद्यालयको स्वर्ण जयन्तीको कार्यक्रम सफलता पूर्वक सम्पन्न गर्न विद्यालय व्यवस्थापन समितिका अध्यक्ष राजकुमार मल्लको संयोजकत्वमा १५१ सदस्य मूल समारोह समिति गठन गरिएको विद्यालयका शिक्षक याम बहादुर थापा(लक्ष्मण) ले जानकारी दिए ।
विद्यालयका प्रअ विकास पौडेलको स्वागत मन्तव्यबाट शुरु भएको कार्यक्रमको संचालन याम बहादुर थापा (लक्ष्मण) ले र अध्यक्षता विद्यालय व्यवस्थापन समितिका अध्यक्ष राज कुमार मल्लले गरेका थिए ।
