पाल्पाको रैनादेवी छहरा ७ जोगदमारमा सुबिधा सम्पन्न अर्गानिक रिसोर्ट खुल्नेभएको छ । नेपालकै प्रसिद्ध सहर बुटवल बाट २९ किलोमिटर र पुर्व पश्चिमराजमार्ग अन्तर्गत सालझण्डी बजार बाट करिव ७ किलोमिटरको दुरीमा ग्रिनल्याण्ड एग्रो पार्क एण्ड रिसोर्ट प्रा.लि. खुल्न लागेको हो ।
मनोरम र एकान्त बातावरणमा सालझण्डी – सुन्धरेढुङ्गा,तिनगिरे केन्द्रिय सडकको छेउँमा २२ रोपनी क्षेत्रफलमा संचालनमा आउन लागेको यो रिसोर्टमा खान,बस्न,कार्यक्रम हल रमनोरञ्जन सहितको सुविधा उपलब्ध हुने र जहाँ ६० प्रतिशत आफ्नै अर्गानिक उत्पादन प्रयोग हुने संचालक पिताम्बर पोख्रेलले बताए ।
३ जनाको संयुक्त लगानीमा संचालनमा आउन लागेको यो रिसोर्टमा अहिले पनि खाना,नास्ताको व्यबस्था उपलब्ध भएता पनि बास सहित अन्य सुबिधा सम्पन तवरबाट औपचारिक रुपमा दँशै पछि खुल्ला र सुरुवात गरिने पोख्रेलले बताए ।
यो रिसोर्ट हुँदै अगाडी बढ्ने सडक १ बर्ष पहिले नै पिच हुनुपर्ने तर निर्माण कम्पनी र बन कार्यालय बिच सहमती जुट्न नसक्दा अझैसम्म पिच हुन नसकेको र अब छिट्टै नै यहाँसम्म आइपुग्ने बाटो पिच हुने बताउँदै संचालक पोख्रेलले अहिले पनि यहाँ आउने सडक ब्यबस्थित रहेको र यहाँ आउने पाहुनाहरुले एकान्त र मनोरम वातावरणमा ग्रामिण परिवेश अनुसारको अर्गानिक र लोकल भोजन सहित आनन्दमय बासको अनुभुति लिन पाउने पनि बताए ।
हाल ७ जना कर्मचारी रहेकोर रिसोर्टको औपचारिक सुरुवात सङ्गै कर्मचारी बढाइने र जतिसक्दो उत्कृष्ट सेवा प्रदान गरिने बताइएको छ ।
यो संचालक समिति सहित अन्य केही लगानीकर्ताहरुको लगानीमा कपिलवस्तुको बाणगंगा २ मा ९ बिगाहा जग्गामा आधुनिक किसिमको एग्रोफार्म संचालनमा छ । लुम्बिनी बहुउदेश्यिय एग्रो फार्मको नाम बाट संचालित यो फार्ममा कृषि अध्ययन गर्ने बिधार्थीहरुको लागी ओजेटी गर्ने सुबिघा रहेको र ओजेटी क्लास पनि हुँदै आइरहेको छ । हाल यहाँ ८ जनाले रोजगार प्राप्त गरिरहेको पोख्रेलले बताए ।
