१३ असोज – झ्याप्ले खोलामा पुरिएका १५ जनाको शव निकालिएको छ । भेटिएका शव मध्ये ११ जना पुरुष र ४ जना महिला रहेका छन । फेला परेका शव गोरखा बाट काठमाडौं तर्फ आउँदै गर्दा सम्पर्क विहीन भएको बसका यात्रु हुन सक्ने प्रहरीले अनुमान गरेको छ ।
आज बिहानै देखि पहिरो पन्छाउने क्रममा झ्याप्ले खोलामा एउटा बस पुरिएको अवस्थामा फेला परेको र अहिले बस निकाल्ने काम भइरहेको छ । नेपाली सेना, शसस्त्र पहरी र नेपाल प्रहरीको संयुक्त उद्धार टिलिले सोही क्रममा शव फेला परेको हो । फेला परेको बस आधा मात्रै देखिएकाले बस नम्बर पहिचान भइसकेको छैन । खोजी कार्य जारी रहेको छ ।
हिजो मात्रै बुटवल बाट काठमाडौं जाँदै गरेको २ माइक्रो वटा बस बाट १४ जनाको शव निकाइलिएको थियो । मृतक १४ जना मध्ये गुल्मीको मदाने ६ का एकै परिवारका ३ जना र गुल्मी दरवार गाउँपालिकाका ३ गरि गुल्मीका ६ जना र अन्य जिलाका ८ जना रहेको बताइएको छ।
