रुपन्देहीको शुद्धोधन गाउँपालिकाको आयोजनामा लोक सांस्कृतिक सम्पदाहरू विषयक पुस्तक विमोचन तथा विमर्श कार्यक्रम सम्पन्न भएको छ ।
शुद्धोधन गाउँपालिका गाउँकार्यपालिकाको सभा हलमा बुधबार सम्पन्न भएको पुस्तक बिमोचन कार्यक्रम शुद्धोधन गाउँपालिका अध्यक्ष विष्णुप्रसाद बस्यालको अध्यक्षता र लुम्बिनी बौद्ध विश्व विधालय अनुसन्धान विभाग प्रमुख डा.गितु गिरीको प्रमुख आतिथ्यतामा सम्पन्न भएको थियो ।
पुस्तक लोक सांस्कृतिक सम्पदाहरूका लेखक डा.मुकुन्द शर्माले शुद्धोधन गाउँपालिका भित्रको सामाजिक,सांस्कृतिक अवस्था बस्ति स्थिती लगायत थारु समुदायको सर्वेक्षण,लोक साहित्य र लोक गाथाको विधागत स्वरुप,मगर तथा बाहुन समुदायको भजन तथा कला, मधेसी समुदायले प्रदर्शन गर्ने विविध कला र संस्कृति,पुर्वजहरुको संस्कृत,भाषा,खानपान,धार्मिक स्थल,शुद्धोधन गाउँपालिका भित्र रहेका विभिन्न टोलको नाम के कारणले रहेको र पालिकामा रहेका विभिन्न जातजातिको समेत उल्लेख लगायतका पक्षहरु समावेश गरेका छन ।
पुस्तक बिमोचन कार्यक्रमका गाउँपालिकाका प्रमुख प्रशासकीय अधिकृत विष्णु बहादुर घर्ती, लुम्बिनी बाङ्मगय प्रतिष्ठानका प्रमुख ऋषि आजाद,डा.अजित खनाल,थारु कल्याणकारी शुद्धोधन अध्यक्ष बद्री थारु लगायतले पुस्तकको बिषयमा धारणा र मन्तव्य राखेका थिए ।
