दाङमा बिहीबार बिहान भएको मोटरसाइकल दुर्घटनामा दुई जनाको मृत्यु भएको छ ।
जिल्ला प्रहरी कार्यालय दाङका अनुसार बिहीबार बिहान लमही नगरपालिका वडा नं ६ बेलदमारमा लमहीबाट घोराही जाँदै गरेको रा ८प २९४० नम्बरको मोटरसाइकल दुर्घटनामा परेको हो ।
दुर्घटनामा गम्भीर घाइते उनीहरूको लमही स्थित अस्पतालमा उपचार गराउँदा गराउँदै मृत्यु भएको प्रहरीले जनाएको छ । दुर्घटनामा मोटरसाइकल चालक घोराही उपमहानगरपालिका १८ नवलपुरका २२ वर्षीय श्रवणकुमार पुन र सँगै सवार घोराही ४ का २१ वर्षीय विनोद केसीको मृत्यु भएको हो ।
