२ भदौ बुटवल-‘रगत दान नै जिवन दान हो‘ भन्ने मुल मर्मलाइ आत्मसात गर्दै भनभने–गुल्मी सम्पर्क समाज रुपन्देहीले संविधान दिवसको अबसरमा असोज ३ गते बृहत रक्तदान कार्यक्रम गर्ने भएको छ । सम्पर्क समाजले बिगतका बर्षहरुमा जस्तै यो बर्ष पनि संविधान दिवसको अवसरमा रक्तदान कार्यक्रम गर्ने भएको हो ।
यही असोज ३ गते बिहिवारको दिन बिहान ८ बजे देखि दिउँसो १ बजेसम्म बुटवलमा रहेको रक्तसंचार केन्द्रमा रक्तदान कार्यक्रम गर्न लागिएको समाजका महासचिव पदम जि.सी.ले बताए । साथै उनले समाजका कार्यवाहक सदस्य मिलन पन्थीको संयोजकत्वमा यो कार्यक्रम गर्न लागिएको र रक्तदानको क्रममा आवस्यक पर्ने खाजा र जुसको व्यवस्था सहयोगी दाताहरु बाट प्राप्त भएको समेत बताए । बिगतका दिनहरुमा पनि सामाजिक कार्यहरुमा जोडिदै आइरहेको भनभने–गुल्मी सम्पर्क समाज रुपन्देहीले अहिले रक्तदान कार्यक्रम आयोजना गरेको हो ।
यही भदौ ८ गते चौथो अधिवेशन गरेर नयाँ कार्यसमिति चयन गरेको समाजमा हाल अध्यक्षमा बिष्णु प्रसाद घिमिरे, बरिष्ठ उपाध्यक्षमा सावित्रा देवी पन्थी, प्रथम उपाध्यक्षमा बिष्णु हरि पन्थी, द्धितीय उपाध्यक्षमा भोजराज जिसी, तृतीय उपाध्यक्ष प्रकाश पन्थी, महासचिवमा पदम जिसी, सचिवमा चिन्तामणि पन्थी, कोषाध्यक्षमा मिनराज पन्थी, सह – कोषाध्यक्षमा कमला केसी रहेका छन भने सदस्यहरुमा मिन प्रसाद पौडेल,गोपाल भण्डारी, नारायण प्रसाद पौडेल, जगत चन्द , तुल्सीराम पन्थी,कमल पन्थी, मिलन पन्थी, कमला पौडेल, झबिन्द्र पन्थी र टंक पन्थी रहेका छन ।
