२६ भदौ,बुटवल – अर्घाखाँची शीतगंगा नगरपालिका–१२ हिले खोला नजिकै जिप दुर्घटनामा परेको छ । आज बिहान छत्रदेव बाट बुटवल तर्फ जाँदै गरेको लु १ ज ७४६३ नम्बरको जिप दुर्घटना हुँदा एक जनाको घटनास्थलमै मृत्यु भएको छ भने दुर्घटनामा ९ जना घाइते भएका छन्
मृत्यु हुनेमा अन्दाजी ६५ वर्षका रामप्रसाद पन्थी रहेको र मृतकको ठेगाना खुल्न नसकेको इलाका प्रहरी कार्यालय ठाडाले बताएको छ ।इलाका प्रहरी कार्यालय ठाडाका अनुसार जिप चालक सहित घाइते ९ जनालाई प्राथमिक स्वास्थ्य केन्द्र ठाडामा उपचार पछि थप उपचारका लागि लुम्बिनी प्रादेशिक अस्पताल बुटवलमा रेफर गरिएको छ ।
जिप सडक देखि ७० मिटर तल खसेको छ । गाडीको ब्रेक फेल भएर दुर्घटना हुन सक्ने अनुमान गरिएको छ । दुर्घटनाको थप अनुसन्धान भइरहेको प्रहरीले जनाएको छ ।
