धर्मेन्द्र वास्तोला नेतृत्वको नेकपा बहुमत ५ नम्बर ब्युरोले निर्मला कुर्मीको बेपत्ता तथा हत्या जस्तो जघन्य अपराधमा संलग्न अपराधीलाइ कारबाहीको माग गर्दै पत्रकार सम्मेलन गरेको छ ।
पत्रकार सम्मेलन मार्फत एक विज्ञप्ति सार्वजनिक गर्दै उनिहरुले निर्मला कुर्मिको हत्याका मुख्य आरोपी लुम्बिनी प्रदेशका वन तथा वातावरण मन्त्री बादसाह कुर्मी र सरकारी कागजात किर्ते गरि दोषी ठहर भएका प्रदेश सांसद धन बहादुर केसिलाइ कारवाही गर्न र आफ्नो सङ्घर्षका कार्यक्रम प्रभावकारी ढङ्गले अगाडी बढाउन यो विज्ञप्ति मार्फत जानकारी दिएको बताएका छन ।
पहिलो चरणका आन्दोलनका कार्यक्रम सम्पन्न गरेका उनिहरुले पुन दोश्रो चरणमा प्रवेश गरेको र दोश्रो चरणमा निर्मला कुर्मीको हत्या आरोपी बादसाह कुर्मी लाई तत्काल मन्त्री बाट हटाएर कारवाहीको लागी दवाव दिदै यहि भाद्र २५ देखि असौज १ सम्म १ लाख हस्ताक्षर संकलन गरि मुख्यमन्त्रीलाइ बुझाउने,२६ गते देखि मन्त्री कुर्मीलाइ सामाजिक बहिस्कार गर्ने, २७ गते देखि आरोपित मन्त्री र सांसदलाई रुकुम पुर्व प्रवेशमा रोक लगाउने ।
त्यस्तै उनिहरुले २८ र २९ गते सांसद धन बहादुर केसि लाई उन्मुक्ति दिने न्यायाधीश लोक बहादुर हमाललाइ सामाजिक बहिस्कार गर्दै उनको घरमा कालो ब्यानर लगाउने र कुकर्मको भण्डाफोर गर्ने,३० गते न्यायाधीश लोक बहादुर हमालको कारवाहीको लागि न्याय परिषदमा मुद्दा हाल्ने र ३१ गते न्यायाधीश हमालको पुत्ला दहन गर्ने लगायतका संघर्षका कार्यक्रम गर्ने ५ नम्बर ब्यूरो इन्चार्ज तिलकले हस्ताक्षर गरेको विज्ञप्ति मार्फत जानकारी दिएका छन ।
पत्रकार सम्मेलन कार्यक्रम पार्टीको ५ नम्बर प्रदेश इन्चार्ज तिलकको अध्यक्षता कर्णाली प्रदेश इन्चार्ज संगमकाे उपस्थिति र राप्ती ब्यूरो इन्चार्ज नरेन्द्र बि.क. को संचालनमा सम्पन्न गरिएको कपिलवस्तु/अर्घाखाँची इन्चार्ज रेखाले बताइन ।
