यो फोटो केही समय अगाडि वीर अस्पतालमा खिचिएको हो। शिक्षण अस्पतालको हाल यस्तै देखेको छु ।
गरीवको नाम बेचेर हामी १५ वर्षमा १४ प्रधानमन्त्री, २१ महिनामा २४ मुख्यमन्त्री, टावर, मन्त्री निवास, काण्डैकाण्डका चाङ्ग सबै बनाउन सक्छौँ । बजेटका बेला झगडा गरीगरी आफ्नो जिल्लामा बजेट लान सक्छौँ । तर यी गरिवका लागि पर्याप्त अस्पताल बनाउन, अस्पताल व्यवस्थापन गर्न र डाक्टर नियुक्त गर्न सक्दैनौँ।
भएका डाक्टर र नर्स पनि फटाफट विदेश जाँदैछन् । वर्षमा लगभग २ हजार नेपाली डाक्टर उत्पादन हुन्छन् । आधा त विदेशिन्छन्। बाँकी अधिकांश निजी अस्पतालमा काम गर्न लालायित हुन्छन् । निजी अस्पतालमा १८/१९ हजार डाक्टर काम गर्दा सरकारी दरबन्दीमा २ हजार डाक्टर पनि छैनन्।
सरकारी अस्पतालमा बेड पाउन अस्पताल प्रशासन होइन, नेतालाई फोन गर्नुपर्ने स्थिति छ । पाएसम्म बालमन्दीर देखि, सार्वजनिक सम्पत्ति, अदालत, अस्पताल, स्कूल, विश्वविद्यालय, सबै खाने ‘राष्ट्रघाति‘, ‘गरिवमारा गणतन्त्र‘ भाँडमे जाओस् !
