अनिल नेपाली
अर्घाखाँची–लुम्बिनी प्रदेश सरकारका मुख्यमन्त्री चेतनारायण आचार्यले लुम्बिनीलाई समृद्ध प्रदेशका रूपमा विकास गर्दै भ्रष्टाचारलाई शून्यमा झार्ने र सुशासन युक्त प्रदेश बनाउने बताएका छन् । उनले सरकारले भाषणभन्दा काम गरेर देखाउने दाबी गदै भ्रष्टाचार मुक्त प्रदेश बनाउन ५ वर्षे रणनीतिक योजना बनाउँदै गरेको पनि बताए।
नेकपा एमाले जिल्ला समिति अर्घाखाँचीले सदरमुकाम सन्धिखर्कमा आयोजना गरेको सम्मान तथा स्वागत कार्यक्रममा मन्तब्य राख्दैमुख्यमन्त्री आचार्यले यस्तो बताएका हुन । मुख्यमन्त्री आचार्यले सुशासन कायम गर्न र भ्रष्टाचारलाई शून्यतामा झार्न प्रदेशको आर्थिक जटिलतालाई रोक्न ५ लाख माथिका योजनालाई प्रतिस्प्रर्धाबाट अगाडि बढाउने भनेर सरकारले प्रतिबद्धता जनाएको बताउँदै विकासका सवालमा सबै राजनीतिक दल एक हुनुपर्ने बताए ।
आफू अथमन्त्री हुदा पनि जिल्लाको विकासका लागि निकै मात्रामा जिल्लामा बजेट भित्राएको बताएका थिए । मुख्यमन्त्री भएपछि पहिलो पटक गुह जिल्लामा आएका आचार्यले काम गर्ने ईच्छाशत्ति भएमा प्रदेशमा विकासका आयोजना र भौतिक विकासका काम धेरैगर्न सकिने बताएका थिए । जिल्लाको विकासका लागि जिल्ला अस्पताल र सालझण्डी ढोरपाटन गोरूसिंगे सडक लगायतका ठुलातथा प्रदेशका गौरवका आयोजनामा समेत आफ्नो ध्यान केन्द्रीत भएको बताएका थिए ।
कार्यक्रम जिल्ला अध्यक्ष पिताम्वर भुसालको अध्यक्षता कार्यालय सचिव लिल ब विकको सञ्चालनमा सम्पन्न कार्यक्रममा केन्द्रीयसल्लाहकार परिषद् सदस्य नरेन्द्र कुमार क्षेत्री जर्नादन खनाल लगायतले शुभकामना मन्तब्य राखेका थिए ।
